GUMEULIS

Gumeulis

Karya : Sumarni Guru SDN 200 Leuwipanjang

Hayang katingali geulis

Isuk keneh geus dangdan modis

Meni anteng ngagambar halis

Dungdak dengdek jiga artis.

Diteuteup hareupeun kaca

Gening halis teu sarua

Tuh tingali nu belah kenca

Melengkungna henteu rata

Pek dipasang bulu mata

Geningan bet hese beunta

Kucap kiceup lir boneka

Mun molotot jiga buta

Dek pipina dibeureuman

Hayang beungeut ngageulisan

Dina kaca dititenan

Jiga badut kahujanan