DUA BELAS BULAN

01/03/2019 by in category Guru, Puisi with 0 and 2
Home > Karya > Keanggotaan > Guru > DUA BELAS BULAN

DUA BELAS BULAN

Sumarni, Guru SDN 200 Leuwipanjang

Desember katompernakeun

Dangiangna alum nguyung

Cuang-cieung asa leungiteun

Udagan teu kabiruyung

Lewang,  nyawang masa  ka tukang

Ngotretkeun gerentes wedel kahayang

Dua belas bulan geus karandapan

Pait peuheur geus kaasaan.

Karasa ukur sakedapan

Kembang asih dina lahunan

Mere harewos  kaendahan

Nyatana ukur kaulinan….

Dua belas bulan geus kakojayan

Neuleuman sagara impian

Ngayunkeun pangharepan

Ngudag kabagjaan

Najan can jadi kanyataan

Dua belas bulan nyesakeun kahayang

Sampeureun,  udageun, taun nu bakal datang.

Dinas Pendidikan Kota Bandung 2017